एसियन गेम्स मेन्स क्वालिफायरको उपाधि नेपालले जितेको छ। फाइनल खेलमा नेपालले हङकङलाई डीएलएस मेथडमार्फत १९ रनले पराजित गर्दै उपाधि आफ्नो नाममा लेखाएको हो।
नेपाल अपराजित रहँदै प्रतियोगिताको च्याम्पियन बन्न सफल भएको हो।
फाइनल खेलमा हङकङले दिएको १८९ रनको लक्ष्य नेपालले वर्षाले प्रभावित खेलमा ११.३ ओभरमा २ विकेटको क्षतिमा ११४ रन बनाउँदा डीएलएस मेथडअनुसार विजयी घोषित भयो।
नेपालका लागि कुशल भुर्तेलले उत्कृष्ट ब्याटिङ गर्दै ४० बलमा ६५ रन जोडे। उनले ८ चौका र ३ छक्का प्रहार गरे। यस्तै कप्तान रोहित पौडेल २४ बलमा ३५ रन बनाएर नटआउट रहे।
हङकङका बलर आयुष शुक्ला र मोहम्मद घजानफारले एक–एक विकेट लिए।
त्यसअघि सिंगापुरस्थित सिङ्गा ओभल मैदानमा टस हारेर ब्याटिङ गरेको हङकङले निर्धारित २० ओभरमा ७ विकेट गुमाउँदै १८८ रन बनाएको थियो।
हङकङका अंशुमान रथले सर्वाधिक ८० रनको योगदान दिए भने शाहिद वसिफले ५५ र शिव माथुरले २६ रन जोडे। अन्य ब्याट्सम्यान भने ठूलो योगदान दिन सकेनन्।
नेपालका बलर शेर मल्लले ४ विकेट लिए। करण केसीले २ विकेट र सन्दीप लामिछानेले १ विकेट हात पारे।
प्रतियोगितामा समूह ‘ए’ बाट नेपाल र मलेसिया तथा समूह ‘बी’ बाट हङकङ र ओमान एसियन गेम्सका लागि छनोट भएका थिए।
आगामी एसियन गेम्स सेप्टेम्बर १९ देखि अक्टोबर ४ सम्म जापानमा आयोजना हुने छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
